10 زیانبەخشترین كارەساتە ژینگەییەكان لە ساڵی 2022دا

راپۆرتێكی نوێ ئاستی ئەو زیانانە ئاشكرادەكات كە بەهۆی كارەساتە سروشتییەكانی پەیوەندیدار بە ئاووهەوا لە ساڵی 2022دا روویانداوە وەك وشكبوونەوە، لافاو، گەردەلول و باهۆز.

رێكخراوی (Christian Aid) لیستی 10 زیانبەخشترین كارەساتی ژینگەیی لە ساڵی 2022دا لە رووی زیانی مادی دیاریكردووە كە ئاستی زیانەكانیان لە نێوان سێ بۆ 100 ملیار دیناردایە.

گەردەلولی ئییان – 100 ملیار دۆلار
گەردەلولی ئییان كە لە پلەی چوارەم ریزبەند كراوە زیانی گەورەی بە رۆژئاوای كوبا و باشووری رۆژهەڵاتی ویلایەتە یەكگرتووەكان گەیاند.

گەردەلولەكە بە درێژایی حەوت رۆژی كۆتاییەكانی مانگی 9 روویدا، بووە هۆی گیانلەدەستدانی 150 كەس و دەربەدەربوونی 40 هەزار.

وشكبوونەوە لە ئەوروپا- 20 ملیار دۆلار
ئەو وشكبوونەوەیەی لە هاوینی ساڵی 2022 روویدا بە خراپترینی لەو جۆرە لە ئەوروپا دادەنرێت لەماوەی 500 ساڵی رابردوودا، كاریگەری لەسەر بەرهەمهێنانی خۆراك، وزە، بەردەستبوونی ئاو و ژیانی وشكانی دروستكرد، بووەهۆی ئاگركەوتنەوە لە دارستانەكان و لەناوچوونی بەروبومی كشتوكاڵی.

لافاوەكانی چین- 12.3 ملیار دۆلار
لە حوزەیرانی رابردوو، باشووری چین رووبەڕووی بەهێزترین بارانبارین لە ساڵی 1961ەوە بووەوە، بووە هۆی روودانی لافاو و داڕمانی زەوی، سەدان هەزار كەسی ناچاركرد شوێنی نیشتەجێبوونیان چۆڵبكەن.

وشكبوونەوە لە چین- 8.4 ملیار دۆلار
لە كۆتاییەكانی مانگی ئاب، چین رووبەڕووی توندترین بەرزبوونەوەی پلەی گەرمای هاوین بووەوە، كە لەوەتەی پەككین دەستی بە تۆمار و بەدواداچوونی پلەكانی گەرما كردووە لە ساڵی 1961ەوە بەرزترین بوو. لەگەڵ زیاتر لە 70 رۆژی بەرزیی پلەی گەرما و كەمبوونەوەی بارانبارین و كاریگەری خراپی كردەسەر حەوزی رووباری یانگتسی، كە ئاو بۆ زیاتر لە 450 ملیۆن كەس دەستەبەردەكات.

لافاوەكانی رۆژهەڵاتی ئوسترالیا- 7.5 ملیار دۆلار
لە كۆتاییەكانی شوبات تا ئازار، ویلایەتەكانی رۆژهەڵاتی ئوسترالیا رووبەڕووی لافاو بوونەوە و لە ئاكامدا 27 كەس گیانیان لەدەستدا و 60 هەزار كەسیش ئاوارەبوون.

لافاوەكانی پاكستان- 5.6 ملیار دۆلار
لە ناوەڕاستی حوزەیرانەوە تا ئەیلول، لافاو بووەهۆی گیانلەدەستدانی زیاتر لە هەزار و 700 كەس و ئاوارەبوونی حەوت ملیۆن كەس لە پاكستان.

باهۆزی یونیس- 4.3 ملیار دۆلار
بە درێژایی 5 رۆژ لە شوباتدا، باهۆزی یونیس بووەهۆی وێرانكارییەكی گەورە لە بەلجیكا، ئەڵمانیا، ئێرلەندا، هۆڵەندا، پۆڵەندا و بەریتانیا، هەروەك گیانلەدەستدانی حەوت كەسی لێكەوتەوە.

شانشینی یەكگرتوو رووبەڕووی بایەكی بەهێز بووەوە كە خێراییەكەی 122 میل بوو لە كاتژمێرێكدا، بەهێزترین بوو لەماوەی 30 ساڵدا.

وشكبوونەوە لە بەرازیل- 4 ملیار دۆلار
بەرازیل بە درێژایی زۆرینەی كاتەكانی ساڵی 2022 بەدەست وشكبوونەوەوە ناڵاندی، لە ئاكامیدا ئاستی رووباری ئەمازۆن دابەزی.

گەردەلولی فیونا- 3 ملیار دۆلار
گەردەلولی فیونا ناوچەی دەریای كاریبی و كەنەدای لە بەشی كۆتایی مانگی ئەیلولدا گرتەوە، بووەهۆی گیانلەدەستدانی زیاتر لە 25 كەس و ئاوارەبوونی 13 هەزار كەس، لانیكەم چوار فڕۆكەخانەی نێودەوڵەتی داخران، سەرەڕای ژمارەیەك رێگاوبان.

لافاوی كوازۆلۆ ناتال و ئیسترن كیپ، باشووری ئەفریقا- 3 ملیار دۆلار
بە درێژایی هەفتەیەك لە مانگی نیساندا، بووەهۆی گیانلەدەستدانی 459 كەس و دەربەدەربوونی زیاتر لە 40 هەزار لە ماڵەكانیان. دیربان داخرا، یەكێك لە پڕ جوڵەترین بەندەرەكانی باشووری ئەفریقا.

س: سكای نیوز

بابەتی پێشتر

ناوەندێکی تەندروستی بە هەڵە نامە دەنێرێت "تووشی شێرپەنجەی سییەکان بوویت"

بابەتی دواتر

كرێنشینان: یانزە ساڵە نەتوانراوە زیاتر لە سێ هەزار یەكەی نیشتەجێبوون دابەشبكرێن

بابەتی پەیوەندیدار
زیاتر ببینە

بڕیارێكی “بێمانا”یە
كاردانەوەی نێردە نێودەوڵەتییەكان بەرامبەر سزادانی چالاكوانانی بادینان

كاردانەوەكان بەرامبەر بڕیارەكەی دادگای پێداچوونەوەی هەرێم، تایبەت بە پەسەندكردنی سزای چالاكوانانی بادینان درێژەیان هەیە، ترس هەیە لەوەی تۆمەتباركردنی…
Total
0
Share