سەرچاوەیەکی باوەڕپێکراو و نزیک لە یانەی ڕیاڵ مەدرید دووپاتیکردووەتەوە، بابەتی گەڕانەوەی کوڕەکەی کریستیانۆ بۆ ئەکادیمیای “مێرەنگی” دوورە لەڕاستییەوە.
ئارانشا ڕۆدریگێز، ڕۆژنامەنووسی باوەڕپێکراوی ئیسپانیا و نزیک لە یانەی ڕیاڵ مەدرید ئاشکرایکردووە، کە گەڕانەوەی “کریستیانۆ جونیۆر” بۆ ئەکادیمیای یانەی شاهانە دوورە لە ڕاستییەوە، ئەو زانیارییانەشی بە پڕوپاگەندە وەسفکردووە، کە لە بارەی گەڕانەوەی کریستیانۆ بۆ ڕیاڵ مەدرید بڵاوکراونەتەوە.
Algunos me preguntáis por el hijo de Cristiano, que si vuelve a la Cantera.
Jamás jugó en la Cantera.
Estuvo un par de días entrenando con su padre en la Ciudad Real Madrid hace una semana.
Cristiano Jr entiendo que jugará donde juegue su padre, que NO será en el Madrid.
— Arancha Rodríguez (@AranchaMOBILE) December 27, 2022
بەپێی سەرچاوەکە، کریستیانۆی بچووک هاوشانی باوکی بۆ ماوەی دوو ڕۆژ لە ناوچەی “ڤاڵدیباس” ڕاهێنانی جەستەییان کردووە، دواتر ڕووەو ئیمارات گەشتیانکردووە.
ئارانشا دەڵێت، “ئەوەی دڵنیایی هەیە ئەوەیە، کریستیانۆ جارێکی دیکە ناگەڕێتەوە بۆ ڕیاڵ مەدرید، پاشان کریستیانۆ جونیۆری 12 ساڵ لەگەڵ باوکیدایە و باوکی لەهەر وڵات و یانەیەک یاریبکات، ئەویش لەو یانەیە درێژە بە یاریکردن دەدات.”
