بەهای دۆلار دابەزی و 100 دۆلاری ئەمریكی بەرامبەر بە 153 هەزار و 500 دینارە.
كەمێك لەمەوبەر بازاڕی دراوی هەرێمی كوردستان دابەزینێكی تری دۆلاری بەخۆیەوە بینی، ئێستا لە بازاڕی دراوی شاری سلێمانی 100 دۆلاری ئەمریكی بەرامبەر بە 153 هەزار و 500 دینارە و بەوەش لە ماوەی نیو كاتژمێردا هەزار دیناری لە بەهاكەی لەدەستدا.
دوێنێ سێشەممە بەهای دۆلاری ئەمریكی لە بازاڕەكانی هەرێمی كوردستان و عێراق بەرزبوونەوەیەكی پێوانەیی تۆماركرد و بەهای 100 دۆلاری ئەمریكی گەیشتە 160 هەزار دینار، بەڵام لە ماوەی شەو و رۆژێكدا قۆناغ بە قۆناغ دابەزی و شەش هەزاری بەهاكەی لەدەستدا.
