بەڕێوەبەرایەتی یانەی بەرشەلۆنە، مارکۆس ئەلۆنسۆ و هیکتۆر بێلێرینی لە بڕیاری بەردەوامبوون، یاخود ڕۆیشتن ئاگادارکردووەتەوە.
ڕۆژنامەی “مارکا”ی ئیسپانی بڵاویکردووەتەوە، ئیدارەی بەرشلۆنە لە چەند ڕۆژی ڕابردوودا دڵنیایی داوە بە مارکۆس ئەلۆنسۆ کە گرێبەستەکەی بۆ ماوەی دوو وەرزی دیکە درێژ دەکرێتەوە، پێشیان وتووە، کە پەیوەندی نێوانیان لە هاوینی 2023دا کۆتایی نایەت.
سەبارەت بە هیکتۆر بێلیرین هەڵوێستیان جیاوازبووە، ماتیۆ ئەلیمانی بەڕێوەبەری جێبەجێکاری بارسا پێیڕاگەیاندووە، کە داهاتووی ناڕوونە و لە باشترین حاڵەتدا تاوەکو کۆتایی وەرزی 2022/2023 بەردەوام دەبێت و پێویستە یانەیەکی نوێ بدۆزێتەوە.
ئەلۆنسۆ و بێلیرین لە مێرکاتۆی هاوینی 2022 لە یانەکانی چێڵسی و ئارسیناڵی ئینگلیزییەوە پەیوەندییان بە یانەی بەرشلۆنەوە کرد، یەکەمیان لە چەند یارییەکدا بەشداریکرد و دووەمیان نەیتوانی جێگەی خۆی لە پێکهاتەی سەرەکیدا بکاتەوە.
