کارمەندانی تەندروستیی کەرکوک، دژی سیستەمی دابەشکردنی زەوی بەسەریاندا گردبوونەوەی ناڕەزاییان رێكخست و دەڵێن، “نادادییە”.
لە كەركوك 300 پارچە زەویی نیشتەجێبوون بەسەر پزیشكان و كارمەندانی تەندروستیدا دابەشدەكرێن، 150 پارچە زەوی بۆ پزیشكان و 150 پارچە زەوی بۆ كارمەندانی تەندروستی، ئەوەش ناڕەزایی لێكەوتووەتەوە و ئەمڕۆ دووشەممە کارمەندانی تەندروستی خۆیشاندانیان ئەنجامدا.
كارمەندانی تەندروستی دەڵێن، نادادی لە دابەشكردنی زەوییەكاندا هەیە و هاوسەنگی لە نێوان پزیشكان و كارمەندانی تەندروستیدا رانەگیراوە، بەو پێیەی كارمەندانی تەندروستی لە كەركوك ژمارەیان 685 كارمەندە، لە كاتێكدا 315 پزیشك هەن و سەرباری ئەوەش، هەر یەك لەو دوو توێژە 150 پارچە زەوییان بۆ تەرخانكراوە.
