پۆلیسی زاخۆ رایدەگەیەنێت، “لە ئەنجامی درووستبوونی شەڕ لەسەر شوێنی وەستانی ئۆتۆمبێل کەسێک کوژرا”.
بەڕێوەبەرایەتیی پۆلیسی زاخۆ لە راگەیەندراوێکدا بڵاویکردەوە، ئێوارەی ئەمڕۆ لە یەکێک لە گۆڕەپانەکانی راگرتنی ئۆتۆمبێلی بارهەڵگر لە شەقامی سەرەکیی ئیبراهیم خەلیل، نزیک گوندی چەم کورک شەڕ لەنێوان چەند کەسێکدا دروستبوو.
دەشڵێت، لە ئەنجامی ئەو شەڕەدا کەسێکی تەمەن 45 ساڵان کە خەڵکی باکووری کوردستانە بە چەقۆ بریندارکرا، پاش گەیاندنی بەنەخۆشخانە بەهۆی سەختیی برینەکەیەوە گیانیلەدەستدا.
باس لەوەش دەکات، تەرمی کوژراوەکە رەوانەی پزیشکی داد کرا و تۆمەتبارەکەش دەستگیرکرا، لێکۆڵینەوە لە رووداوەکە بەردەوامە.
