وەزیری كشتوكاڵی هەرێم رایدەگەیەنێت، هەنگاوی جددیمان بۆ ساغكردنەوەی بەرهەمی جووتیارانی هەرێمی كوردستان ناوە و كار ئاسانی دەكرێت بۆ ساغكردنەوەی بەرهەمی جووتیاران.
بێگەرد تاڵەبانی، وەزیری كشتوكاڵی هەرێم لە لێدوانێكیدا رایگەیاند، پەیوەندیی بەردەواممان لەگەڵ وەزارەتی كشتوكاڵی عێراقدا هەیە بۆ ساغكردنەوەی بەرهەمی جووتیاران و دەرگامان بەرووی یەكتردا كراوە، هەرچەندە ساغكردنەوەی بەرهەمی جووتیاران كاری چەند وەزارەتێكی دیكەشە، بەڵام هەنگاوی جددیمان بۆ ساغكردنەوەی بەرهەمی جووتیاران ناوە.
وتیشی، “لە ئێستادا ئومێددەكەین رۆژمێریی كشتوكاڵی لەگەڵ حكومەتی عێراق یەكبخرێن و تا بتوانرێت پارێزگاری لە بەرهەمی جووتیاران بكرێت”.
