کەشناسیی هەرێمی کوردستان کەشوهەوای ئەمڕۆ و سبەینێی ناوچە جیاوازەکانی بڵاوکردەوە، بەپێی پێشبینییەکان لە ناوچە شاخاوییەکان بەفر دەبارێت.
لە راگەیەندراوی بەڕێوەبەرایەتیی گشتیی کەشناسیدا هاتووە، “ئەمڕۆ ئاسمان هەوری باراناوی دەبێت لە هەموو ناوچەکانی هەرێم کاریگەرییەکەی لە ناوچەکانی سلێمانی و گەرمیان زیاتر دەبێت و لە پارێزگای دهۆک و دەوروبەری ئاسمان هەوری تەواو دەبێت”.
بەپێی پێشبینییەکانی کەشناسی، ئەگەری بارینی بەفرێکی کەم هەیە لە ناوچە شاخاویە سنووریەکانی باکوور و باکووری رۆژهەڵاتی هەرێم، پلەکانی گەرماش 2 بۆ 4 پلە نزمدەبنەوە.
هەروەها سبەینێ یەکشەممە ئاسمان هەوری تەواو دەبێت لەگەڵ بارینی نمەباران لە زۆربەی ناوچەکان، لە کاتەکانی ئێوارەدا کاریگەرییەکەی کەم دەبێتەوە و ئاسمان دەگۆرێت بۆ نیمچەهەور، پلەکانی گەرماش نزیکدەبێتەوە لە تۆمارکراوەکانی پێشوو.
