لە سنووری ناحیەی شوانی سەر بە پارێزگای کەرکوک کێشە و ناکۆکی لەنێوان ئەندامانی بنەماڵەیەکدا دروستبووە و بەهۆیەوە حەوت کەسیان لە یەکتری بریندار کردووە.
پەیامنێری تۆڕی میدیایی ئێستا لە کەرکوک گواستیەوە، شەڕەکە ئێوارەی ئەمڕۆ لە گوندی سمایل بەگی سەر بە ناحیەی شوان روویداوە.
هۆکاری شەڕ و ناکۆکییەکە کێشەی زەوی و خانوو بووە و لەنێوان مام و برازادا روویداوە، لە ئەنجامدا حەوت کەس برینداربوون و ژنیش لەنێو بریندارەکاندا هەیە و گواستراونەتەوە بۆ نەخۆشخانەی ئازادی لە شاری کەرکوک.
لەلایەن هێزەکانی پۆلیسەوە کۆتایی بە شەڕ و ناکۆکییەکان هێنراوە و کێشەکە کۆتاییهاتووە.
