فەرماندەی گشتیی هێزەكانی سوریای دیموكرات لە دوای سەردانی سەرۆكی یەكێتی بۆ رۆژئاوای كوردستان رایدەگەیەنێت، “شانازی دەكەین بەم هاوبەشییەوە و كاردەكەین بۆ فراوانكردنی.. سوپاس بۆ پشتیوانیتان”.
مەزڵوم كۆبانی، فەرماندەی گشتیی هێزەكانی سوریای دیموكرات هەسەدە لە تویتێكیدا بڵاویكردووەتەوە و نووسیویەتی، “پێشوازیمان لە بافڵ جەلال تاڵەبانی، سەرۆكی یەكێتیی نیشتمانیی كوردستان و جەنەڕاڵ ماسیۆ ماكفرلین، فەرماندەی هێزەكانی هاوپەیمانیی نێودەوڵەتی دژی داعش كرد”.
راشیگەیاندووە، لە كۆبوونەوەكەدا “باس لە پێشخستنی هەوڵەكانمان دژ بە تیرۆر و پاراستنی سەقامگیری ناوچەكەكران”.
لە پەیامەكەی مەزڵوم كۆبانيدا هاتووە، “شانازی دەكەین بەم هاوبەشییەوە و كاردەكەین بۆ فراوانكردنی.. سوپاس بۆ پشتیوانیتان”.
