وەفدى حکومەتی عێراق و حکومەتی هەرێم لەگەڵ وەفدێکى کۆمپانیاکانی وەبەرهێنی نەوت لە هەولێر کۆبوونەوە.
ئومێد سەباح، سەرۆکى دیوانى سەرۆکایەتیی ئەنجومەنى وەزیران بڵاویکردەوە، کۆبوونەوەکە ئەمڕۆ لە هەولێر بەڕێوەچوو و تیایدا باس لە کار و چالاکییەکانی کۆمپانیاکانی وەبەرهێنی نەوت کرا.
باسى لەوەشکرد، هەردوولا پرسی دەستپێکردنەوەی هەناردەکردنی نەوتی هەرێمیان لەگەڵ کۆمپانیاکانی نەوت تاوتوێکرد، لە بەرامبەردا گوێ لە بیروڕای کۆمپانیاکانی وەبەرهێنی نەوت لەم رووەوە گیرا.
