هێزەكانی كۆماندۆی كوردستان لە پەیامێكدا سوپاسگوزاری بۆ بەشداری و هاوخەمی لە كۆستی گیانلەدەستدانی شەهیدی فەرماندە ئاكام عومەر دەردەبڕێت و رایدەگەیەنێت، لەدەستدانی فەرماندە کۆستێکی ئەوەندە گەورەبوو ئەگەر بەدەمەوەهاتنتان نەبووایە ئازارەکەی دوو هێندە لەسەر دڵ و دەرونمان پەنگی دەخواردەوە.
دەقی پەیامەكە:
پێغەمبەری خوا صلی الله علیه وسلم فەرموویەتی:
«لا يَشْكُرُ اللَّهَ مَنْ لا يَشْكُرُ النَّاسَ»
بەناوی فەرماندەیی هێزەکانی کۆماندۆی کوردستان ، سوپاس و دەستخۆشیمان بۆ بەڕێز “بافڵ تاڵەبانی” سەرۆکی یەکێتیی نیشتیمانیی کوردستان هەروەها سوپاس و دەستخۆشیمان بۆ تەواوی ئەو بەرپرسە حزبی و حکومی و سەربازی و ئەمنی کە بەشداری پرسەکەمانیان کرد و بروسکەیان ئاڕاستە کردین، سوپاسی تایبەتمان بۆ کۆمەڵانی خەڵکی کوردستان و سەرۆک هۆزەکان بێ جیاوازی، دلسۆزی و هاوخەمی خۆتان دەربری لەو خەمە گەورەیەی سەر شانی ئیمەتان کەمکردەوە بۆ کۆستی لەدەستدانی شەهیدی فەرماندە “ئاکام عومەر”.
ئێمە ناتوانین پاداشتی ئەرک و ماندوبونتان بدەینەوە، بۆیە دەستی نزامان بەرز دەکەینەوە بۆلای پەروەردگار و داوای لێدەکەین، بەهەر هەنگاوێکتان چاکەیەکتان بۆ بکاتە پاداشتی ڕۆژی دوایی.
لەدەستدانی فەرماندە “ئاکام” کۆستێکی ئەوەندە گەورەبوو ئەگەر بەدەمەوە هاتنی ئێوەی بەڕێز نەبووایە ئازارەکەی دوو هێندە لەسەر دڵ و دەرونمان پەنگی دەخواردەوە، بۆیە بەدەمەوە بوونی خۆشەویستان لەکاتی کارەساتە ناخۆشەکانی ژیان وەک ئەرکێکی ئاینی و ئینسانیە و پێویستە زۆر بەرز بنرخێندرێت.
إنشاء أللە لە بۆنە و خۆشیەکانی ژیانتان قەرەبوتان بۆ دەکەینەوە، دەستی ماندوبونتان دەگوشین و دووبارە سوپاسی یەک بەیەکتان دەکەین.
راگەیاندنی هێزەکانی کۆماندۆی کوردستان
