بەڕێوەبەرایەتیی پۆلیسی ڕاپەرین رایدەگەیەنێت كەسێك تەقەی لە دوو برا كردووە و هەردووكیان برینداركراون
بەپێی راگەیەندراوێكی بەڕێوەبەرایەتیی پۆلیسی ڕاپەرین، كە وێنەیەكی دەست تۆڕی میدیایی ئێستا كەوتووە و تێیدا هاتووە، كاتژمێر 10:15 خولەكی ئەمشەو لە گەڕەكی ڕاپەرین لە قەڵادزێ لەلایەن كەسێكەوە تەقە لە دوو كەس كراوە و هەردووكیان برینداربوون.
لە راگەیەندراوەكەدا هاتووە، شوێنەواری پێنج گولـلە بە جەستەی هەردووكیانەوە هەيە.
ئاماژە بۆ ئەوەش كراوە، بە بڕیاری دادوەر و بە ماددەی 405/31 لە یاسای سزادانی عێراقی، فەرمانی دەستگیركردن بۆ كەسێك دەرچووە، لە ئێستادا بریندارەكان لە نەخۆشخانەی گشتیی قەڵادزێ لەژێر چاودێریی پزیشكیدان و هێزە ئەمنییەكان دەستیان بە لێكۆڵینەوە كردووە.
