بیتكۆین بۆ نزمترین ئاست دابەزی

نرخی بیتكۆین نزمترین ئاستی سێ هەفتەی رابردووی تۆماركرد و نزیكەی 2% دابەزی.

ئەمڕۆ سێشەممە نرخی یەك بیتكۆین 16 هەزار و 392 دۆلارە و رێژەی 1.9%ـی نرخەكەی لەدەستداوە، ئەوەش نزمترین نرخە لە كۆتایی مانگی رابردووەوە تا ئێستا.

هاوكاتی بیتكۆین، نرخی ئیسەر دابەزی بۆ نزمترین ئاست لە كۆتایی مانگی تشرینی دووەمی رابردووەوە تا ئێستا و رێژەی 2.1%ـی نرخەكەی لەدەستدا.

مانگی رابردوو بیتكۆین نزمترین ئاستی لە ساڵی 2020ـەوە تا مانگی 11ـی ئەمساڵ تۆماركرد و هەر دانەیەك بیتكۆین بۆ خوار 16 هەزار و 600 دۆلار دابەزی، لە كاتێكدا سەرەتای ئەمساڵ یەك بیتكۆین بە 50 هەزار و 854 دۆلار بوو.