دهۆک.. ژنێک بە سکێک چوار منداڵی بوو

بەڕێوەبەرایەتیی تەندروستی دهۆک بڵاویکردەوە، ژنێکی تەمەن 22 ساڵ بە سکێک چوار منداڵی بووە کە سەرجەمیان لە رەگەزی نێرن.

د. رێژین سلێمان پزیشکی ژنان و منداڵبوون لە سنووری بەڕێوەبەرایەتیی تەندروستی دهۆک رایگەیاند، “دوای ئەوەی ژنێکی دووگیان گەیەندرایە نەخۆشخانە و لە هەفتەی 27ی دووگیانیدابوو لە دوای ئەنجامدانی پشکنین  بڕیارماندا نەشتەرگەری بۆ بکەین”.

وتیشی، “لە نەشتەرگەرییەکەدا ژنەکە چوار منداڵی بوو، کە سەرجەمیان کوڕ بوون، کێشیان لە نێوان کیلۆیەک بۆ کیلۆ و 500 گرامدایە و تەندروستیان جێگیرە، تەندروستی دایکیشیان بەهەمان شێوە تەندروستی باشە”.

ئاماژەی بەوەش کرد، “ژنەکە تەمەنی 22 ساڵ بووە و دانیشتووی ناوچەی خانکێ بووە، ماوەی چوار ساڵ بووە هاوسەرگیری کردووە بەڵام منداڵی نەبووە و پێشتر دەرمانی دووگیانبوونی بەکارهێناوە”.

بابەتی پێشتر

تیۆریی پیلانگێڕی "فیفا" و ئەرجەنتین پووچەڵکرایەوە

بابەتی دواتر

هەوڵی كەمكردنەوەی تێچووی تۆماركردنی ئۆتۆمبێل و دەرهێنانی مۆڵەتی شۆفێری دەدرێت

بابەتی پەیوەندیدار
زیاتر ببینە

بەغداد بەڵێنێك بە هەرێم دەدات

وەزارەتی بازرگانیی عێراق بەڵێندەدات كێشەی دابەشنەكردنی ئارد لە هەرێمی كوردستان چارەسەربكات. موسەننا ئەمین، ئەندامی ئەنجومەنی نوێنەرانی عێراق ڕایگەیاند،…
Total
0
Share