كەشناسیی هەرێم پێشبینییەکانی بۆ کەشوهەوای شارەکان بڵاوکردەوە و رایگەیاند، پلەی گەرمی بەراورد بە پلە تۆمارکراوەکانی رۆژی رابردوو نزم دەبێتەوە.
بەڕێوەبەرایەتیی گشتیی كەشناسی و بومەلەرزەزانیی هەرێم رایگەیاند، ئەمڕۆ هەینی، ئاسمان بە گشتی لە نێوان نیمچە هەور و پەڵە هەور دەبێت.
ئاماژەی بەوەشدا، بەرزترین پلەی گەرمی لە گەرمیان دەبێت بە 18 پلەی سیلیزی و نزمترینیش لە حاجی ئۆمەران دەبێت بە 2 پلەی سیلیزی.
سەبارەت بە كەشوهەوای سبەینێش، بەپێی پێشبینییەكان ئاسمان نیمچە هەور و پەڵە هەور دەبێت، پلەی گەرمیش نزم دەبێتەوە بەراورد بە پلە تۆمارکراوەکانى ئەمڕۆ.
