میری قەتەر لە دوای کۆتاییهاتنی مۆندیالی 2022 لە وڵاتەکەی رایگەیاند، بەڵێنەکەمان بۆ ئەنجامدانی مۆندیالێکی نموونەیی بەجێگەیاند.
شێخ تەمیم بن حەمەد، میری قەتەر لەدوای کۆتاییهاتنی رێوڕەسمی کۆتایی مۆندیالی 2022 لە تویتێکدا رایگەیاند، “پیرۆزبایی لە هەڵبژاردەی ئەرجەنتین دەکەین کە جامی جیهانی 2022 یان بردەوە، هەروەها پیرۆزبایی لە هەڵبژاردەی فەرەنسا دەکەین کە بووە دووەمی پاڵەوانێتییەکە، سوپاسی هەڵبژاردە بەشدارەکانی دیکە و هاندەران و یەکێتی تۆپی پێی جیهان دەکەین بە گڕوتینەوە بەشداریان کرد”.
ئاماژەی بەوەش کرد، “لە کۆتاییدا بەڵێنەکەمان بۆ ئەنجامدانی مۆندیالێکی نموونەیی لە وڵاتێکی عەرەبی و ناساندنی کلتورە دەوڵەمەندەکەمان و بەها رەسەنەکانمان بە گەلانی جیهان بەجێگەیاند”.
وڵاتی قەتەر بۆ ئەمساڵ بە تێچووی زیاتر لە 200 ملیار دۆلار توانی پێشوازی لە پاڵەوانێتی مۆندیالی ئەمساڵ بکات، بە وتەی ئینفانتینۆ سەرۆکی فیفا بەراورد بە مۆندیالەکانی رابردوو، باشترین مۆندیال بووە”.
