یاریی دیاریکردنی پلەی سێیەم و چوارەمی مۆندیالی قەتەر 2022 ئەنجامدرا، هەڵبژاردەی کرواتیا بردنەوەی بەرامبەر مەغریب تۆمارکرد.
ئەمشەو شەممە، لە یاریگای (استاد الخلیفە الدولی) یاریی دیاریکردنی پلەی سێیەم و چوارەمی مۆندیالی قەتەر ئەنجامدرا، لە یارییەکی بەهێزدا هەڵبژاردەی کرواتیا و مەغریب ڕووبەڕووبوونەوە.
هەڵبژاردەی کرواتیا بە ئەنجامی دوو گۆڵی بەرامبەر بە گۆڵێک یارییەکەی لە مەغریب بردەوە.
گۆڵەکانی کرواتیا لە خولەکەکانی حەوت و 42 لەلایەن جۆسکۆ گڤاردیۆل و میسلاڤ ئۆرسیچەوە تۆمارکران، گۆڵەکەی مەغریب لە خولەکی نۆ لەلایەن ئەشرەف داری-یەوە تۆمارکرا.
بەپێی ئەنجامە تۆمارکراوەکە، کرواتیا پلەی سێیەمی مۆندیالی قەتەری بەدەستهێنا و مەغریب سەرەڕای سوپرایزەکانی پلەی چوارەمی بەدەستهێنا.
