غادە عەبدولڕەزاق ژنە ئەكتەری میسری، لە 12ـیەمین هاوسەری جیابووەوە و دەڵێت، “هێمنانە بوو”.
ئەو ئەكتەرە بە فەرمی جیابوونەوەی لە “هەیسەم زەنیتا”ی هاوسەری راگەیاند و وتی، “بە شێوەیەكی هێمنانە و باڵا و دوور لە ورووژاندنی مشتومڕ و بڵاوكردنەوەی لە تۆڕە كۆمەڵایەتییەكاندا” لە هاوسەرەكەی جیابووەتەوە.
جیابوونەوەی غادە و زەنیتا دوای نزیكەی سێ ساڵ لە هاوسەرگیریكردنەكەیان دێت و ژنە ئەكتەرەكە هۆكارەكانی ئاشكرانەكردووە، تەنها وێنەكانی زەنیتای لە پەڕە و هەژمارەكانی خۆی لە تۆڕە كۆمەڵایەتییەكان سڕیوەتەوە.
غادە لەدایكبووی ساڵی 1965ـە و تا ئێستا 12 جار هاوسەرگیریی كردووە، یەكەمیان لە تەمەنی 17 ساڵیدا بووە.
