“تاوانی كوشتن”ـی كچێك كاردانەوەی فراوانی لێكەوتووەتەوە، تەرمەكەی بە پارچەكراوی لە گوێنییەكی فڕێدراودا لە نزیك شەقامێك دۆزرایەوە.
رووداوەكە لە شاری ئیب لە یەمەن روویداوە، بەڵام لە ئاستی وڵاتانی ناوچەكەدا دەنگدانەوەی بەدوای خۆیدا هێناوە بەو پێیەی بە “دڕندانە” ناوزەد دەكرێت و بەكارهێنەرانی تۆڕە كۆمەڵایەتییەكان بۆچوونی جیاوازیان لەبارەیەوە هەیە.
پۆلیسی شارەكە لەو بارەیەوە دەڵێت، “تەرمی كچەكە بە سەربڕدراوی و پارچەكراوی لە گوێنییەكدا دانراوە و لە نزیك رێگایەك فڕێدراوە، بەڵام وردەكاریی تاوانەكە ئاشكرانییە و هێزەكانی پۆلیس و ئاسایش لێكۆڵینەوەیان بۆ ئاشكراكردن و دۆزینەوەی بكەران دەستپێكردووە”.
