یانەکانی ڕیاڵ مەدرید و لیڤەرپوڵ بۆ مێرکاتۆی 2023، کێبڕکێیەکی توند لەسەر ئینزۆ فێرناندێز و جوود بێلینگهام لە نێوانیاندا دروست دەبێت.
بەپێی زانیارییەکانی ماڵپەڕی “فووتبۆڵ ئیسپانیا”، هەردوو یانەی ڕیاڵ مەدرید و لیڤەرپوڵ هەوڵەکانیان بۆ گواستنەوەی ئینزۆ فێرناندێزی ئەستێرەی هەڵکشاوی هەڵبژاردەی ئەرجەنتین دەستپێکردووە، جەمسەرەکان ئامادەبوون لەگەڵ لێپرسراوی کارەکانیدا ڕێککەوتن بکەن و تەواوی مەرجەکانیان جێبەجێ بکەن.
لەلایەکی دیکەوە، دوو یانە زەبەلاحەکە کێبڕکێ بۆ واژۆکردنی گرێبەستی جوود بێلینگهامی ئەستێرەی لاوی ئینگلتەرا دەکەن.
سەرچاوەکە نووسیویەتی، ڕەنگە دوو ئەستێرە لاوەکە لە نێوان ڕیاڵ و لیڤەرپوڵدا دابەشبکرێن، کامیان سەرکەوتووبێت لە گواستنەوەی بێلینگهام، یانەکەی دیکە ئینزۆ فێرناندێز مسۆگەر دەکات.
بێلینگهام یاریزانێکی ناسراوە، ئیزنۆ فێرناندێز-یش تەمەنی 21 ساڵە و لە مۆندیالی قەتەر توانیویەتی دوو گۆڵ تۆمار بکات، بە ئاستە بەرزەکەی سەرنجی یانە زەبەلاحەکانی ڕاکێشاوە.
