پێنج یاریزانی بەرشلۆنە پشكنینی پزیشكی پێش دەستپێكردنی وەرزی نوێیان نەكردووە و لە ڕۆیشتن نزیكن.
ئەمڕۆ دووشەممە، ئامادەكارییەكانی بەرشلۆنە بۆ وەرزی نوێ دەستیپێكرد و بەشێكی زۆر لە یاریزانەكان پشووەكانیان تەواو بوو.
سەرەتا پێش ئەنجامدانی ڕاهێنانەكان، سەرجەم یاریزانەكان پشكنینی پزیشكیان بۆ ئەنجامدرا.
پێنج یاریزان پشكنینیان بۆ نەكرا و لەلایەن چاڤی ڕاهێنەرەوە پێیان ڕاگەیەندرا كە لە وەرزی نوێدا پشتیان پێ نابەستێت.
ئەو پێنج یاریزانە موساواگی و لینگلیت و ئۆمتیتی و مینگوێزا و ریكی پوچ بوون.
ئەمە جگە لەوەی دێمبلی فەرەنسیش بەهەمان شێوە بەشداری ڕاهێنانەكانی نەكردووە، لەبەرئەوەی هێشتا داهاتووی خۆی یەكلایی نەكردۆتەوە.
