بەیانی ئەمڕۆ ئاگر لە یەكێک لە شوقەکانی پرۆژەی مامۆستایان لە شاری هەولێر کەوتەوە و لەلایەن تیمەکانی بەرگری شارستانییەوە توانرا کۆنتڕۆڵبکرێت..
پەیامنێری تۆڕی میدیایی ئێستا گواستییەوە، “بەیانی ئەمڕۆ یەکشەممە ئاگر لە یەکێک لە شوقەکانی پرۆژەی نیشتەجێبوونی مامۆستایان لە شاری هەولێر کەوتەوە و دوای گەیشتنی تیمەکانی بەرگری شارستانی توانرا کۆنتڕۆڵبکرێت”.
ئاماژەی بەوەش کرد، “ئاگرەکە زیانی ماددی بەدواوە بووە، بەڵام هیچ زیانێکی گیانی لێنەکەوتووەتەوە”.
ئاشکراشی کرد، “تائێستا هۆکاری کەوتنەوەی ئاگرەکە نەزاندراوە و لێکۆڵینەوەکان لەو بارەیەوە دەستیپێکردووە”.
