پێشنیوەڕۆی ئەمڕۆ لە سنووری قەزای سۆران رووداوێکی هاتوچۆ روویدا و بەهۆیەوە شەش کەس بوونە قوربانی.
بەڕێوەبەرایەتیی هاتوچۆی سۆران بڵاویکردەوە، ئۆتۆمبێلێکی جۆری پیکئاپ نیسان، لە دۆڵی روست نزیک گوندی ئاشی بێکۆڵێ لە رێگا لایدا و وەرگەڕا.
سەرەتا بەڕێوەبەرایەتیی بەرگریی شارستانیی سۆران رایگەیاند، لە رووداوەکەدا، شەش کەس کە پێکهاتبوون لە شۆفێر و سەرنشینی ئۆتۆمبێلەکە برینداربوون؛ بەڵام بەپێی راگەیەندراوەکەی کەمێک لەمەوبەری هاتوچۆی سۆران، یەکێک لە بریندارەکان گیانیلەدەستدا.
