نورەدین ئەمرابتی برای گەورەی سوفیان ئەمرابت، داوا لە ناسڕ خلێفی خاوەنی یانەی پاریس سان جێرمان دەکات، براکەی بکڕێت.
سوفیان ئەمرابت، یاریزانی یانەی فیۆرنتینا و هەڵبژاردەی مەغریب لە مۆندیالی 2022ی قەتەر ئاستێکی بەرزی پێشکەشکردووە، بە “شێرەکەی مەغریب” ناوی دەرکردووە و زۆرینەی یانە گەورەکانی ئەوروپا لە هەوڵدان بۆ واژۆکردنی گرێبەست لەگەڵیدا.
https://twitter.com/ilan_merhaba/status/1600299693518385152
لەو بارەیەوە نورەدین ئەمرابت، یاریزانی یانەی ئەیک ئەسینا و برای گەورەی سوفیان بە میدیاکانی ڕاگەیاندووە، “بە ڕای من، سوفیانی برام بۆ یانەی پاریس سان جێرمان زۆر گونجاوە، بیر لەوە بکەنەوە هاوشانی مارکۆ ڤێراتی چ هێزێک لە هێڵی ناوەند پێکدەهێنن، پەیامەکەم ئاراستەی ناسڕ خلێفی سەرۆکی پاریس سان جێرمانە، تکایە گوێ لە قسەکانم بگرە، براکەم بکڕە.”
سوفیان ئەمرابت تەمەنی 26 ساڵە، لە پێگەی ناوەندی بەرگری یاریدەکات و لە هۆڵەندا لەدایکبووە، بۆ یانەکانی ئوترێخت، فاینۆرد، کلەب بروج، هیلاس ڤیرۆنا یاریکردووە ، لە ئێستادا گرێبەستی لەگەڵ یانەی فیۆرنتینای ئیتاڵیدا هەیە.
