كەشناسی پێشبینیدەكات ئەمڕۆ و سبەینێ نمەباران و تەمومژ روو لە ناوچەكە بكەن.
دەستەی گشتیی كەشناسی ئەمڕۆ چوارشەممە بڵاویكردەوە، كەشوهەوا دەگۆڕێت و ئەمڕۆ لە هەندێك ناوچەی هەرێمی كوردستان نمەباران دەبارێت.
بەپێی پێشبینییەكانی دەستەی گشتیی كەشناسی و بومەلەرزەزانیی عێراق، كەشی سبەینێ نیمچەهەور دەبێت و لە هەندێك ناوچە و بە تایبەت خۆرئاوا باراندەبارێت.
وەك دەستەی گشتیی كەشناسی پێشبینیكردووە، كەشی رۆژانی داهاتوو بە شێوەیەكی گشتی تەمومژاوی دەبێت، بە تایبەت لە كاتەكانی بەیانیی زوودا و دواتر تەم نامێنێت و ئاسمان ساماڵ دەبێت، پلەكانی گەرماش تا رادەیەك هاوشێوەی رۆژانی پێشوو دەبن.
