زیاتر لە 17 هەزار كەس لە كەركوك دادەمەزرێندرێن و فەرمانیان بۆ دەركرا.
بەڕێوەبەرایەتیی پەروەردەی كەركوك رایگەیاند، رێكارەكانی دامەزراندن و جێگیركردنی 17 هەزار و 370 مامۆستای وانەبێژ و فەرمانبەری كارگێڕیی خوێندنگەكان تەواوكراون و لەسەر میلاكی هەمیشەیی جێگیردەكرێن.
لە راگەیەندراوێكدا كە ئەمڕۆ دووشەممە بڵاویكردەوە، بەڕێوەبەرایەتیی گشتیی پەروەردەی كەركوك دەڵێت، مامەڵەی سەرجەم ئەو وانەبێژ و فەرمانبەرانەیان بە نووسراو بۆ وەزارەتی پەروەردەی عێراق بەرزكردووەتەوە، لەوێوە رەوانەی وەزارەتی دارایی كراوە بە مەبەستی جێگیركردنیان لەسەر میلاكی هەمیشەیی.
