ماوەی زیاتر لە دوو ڕۆژە بەشێکی زۆری میدیای جیهانی سەرقاڵی ڕووماڵکردنی دەرهێنانەوەی منداڵێکی مەغریبین لەناو بیرێکدا، ئەو ڕووداوە لە هەرێمی کوردستان هاوشێوەی هەبووە و بگرە لە کاتی خۆیدا زیاتر کاریگەربوون.
لە ڕووداوێکی هاوشێوەدا لە ساڵی 1995 منداڵێکی هەشت ساڵان لە چیای زۆزک ونبوو، ماوەی چوار ڕۆژ خەڵکی ناوچەکە بەدوای منداڵەکەدا گەڕان، بەڵام نائومێد نەبوون و دوای چوار ڕۆژ و سێ شەو، منداڵەکەیان لەناو چاڵێکدا دزۆییەوە، حاڵەتی سەرسووڕهێنەر ئەوەبوو کە منداڵەکە لەماوەی ئەو چوار ڕۆژەدا بەبێ ئاو و نان مایەوە و بە زیندوویی ڕزگارکرا.
لە ڕووداوێکی هاوشێوەی دیکەدا ساڵی ڕابردوو لە شاری کەلار هاوڵاتییەکی بەتەمەن، کە زیاتر لە 60 ساڵ تەمەنی بوو، کەوتە ناو بیرەکەی ماڵی خۆیانەوە، ئەوەی کە ڕووداوەکەی سەرسووڕهێنەر کردبوو، پیاوە بەتەمەنەکە لە ماوەی 10 کاتژمێردا لەناو بیرەکەدا مایەوە، ئەوە سەرەڕای ئەوەی کە بەڕۆژوو بوو.
ماوەی 10 کاتژمێر تیمەکانی بەرگریی شارستانیی گەرمیان هەوڵی دەرهێنانەوەی ئەو پیاوە بەتەمەنەیان دا و دواتر بە سەرکەوتوویی ڕزگارکرا و ڕەوانەی نەخۆشخانە کرا.
