گوندی عەراقیب لە فەڵەستین بۆ 210ـیەمین جار خاپووركرا و بووەتە جێگەی ناكۆكیی دوو نەتەوە.
بەیانیی ئەمڕۆ دووشەممە، گوندی “عەراقیب” كە دەكەوێتە باشووری فەڵەستینەوە، بۆ 210ـیەمین جار لەلایەن دەسەڵاتدارانی ئیسرائیلەوە خاپووركرا.
عەراقیب لەسەر ئەو زەوییانە بنیادنراوە كە بە 48 ناسراون و ساڵی 1948 لە كاتی دامەزراندنی دەوڵەتی ئیسرائیل-دا، كەوتوونەتە سنووری ئەو وڵاتەوە و فەڵەستینییەكان و ئیسرائیلییەكانیش بە خاكی خۆیانیان دەزانن.
گوندەكە لە 22 ماڵ پێكهاتووە و خانووەكانی لە دار و تەختە و پلاستیك و چادر دروستكراون. عەزیز تەوڕی كە ئەندامی لیژنەی بەرگریكردن لە گوندی عەراقیبە و هەموو جارێك دوای خاپووركردنی گوندەكەیان لێدوان بۆ میدیا دەدات ڕایگەیاندووە، هاوشێوەی جارەكانی پێشوو، دانیشتووانی عەراقیب ئەم جارەش گوندەكەیان دروستدەكەنەوە و بەردەوامدەبن لە بنیادنانەوەی ماڵەكانیان.
