قائیمقامی قەزای دەربەندیخان رایدەگەیەنێت، لە 10 ڕۆژی داهاتوودا كاری نۆژەنكردنەوەی تونێلی دەربەندیخان تەواو دەبێت و بە زووترین كات بە رووی شۆفێران و هاوڵاتییاندا دەكرێتەوە.
سلێمان سەعید، قائیمقامی قەزای دەربەندیخان لە لێدوانێكدا بە تۆڕی میدیایی ئێستای راگەیاند، ئەو تیمەی سەرپەرشتیی نۆژەنكردنەوەی تونێلەكە دەكەن ئاگاداریان كردووینەتەوە كە لە 10 ڕۆژی داهاتوودا كاركردن لە تونێلی دەربەندیخان تەواو دەبێت و قیرتاوی ناو تونێلەكەش دەكرێتەوە.
ئاماژەی بۆ ئەوەش كرد، لە ئێستادا 85%ی كارەكانی تایبەت بە كارەبای تونێلەكە تەواوبووە و لە زووترین كات بە رووی شۆفێران و هاوڵاتییاندا دەكرێتەوە.
