نەتەوە یەكگرتووەكان بانگەوازێكی راگەیاند لەپێناو كۆكردنەوەی 51.5 ملیار دۆلار كە بڕێكی پێوانەییە بۆ هاوكارییە مرۆییەكان لە 2023دا و بەهاناوەچوونی 230 ملیۆن كەس لە سەرتاسەری جیهان.
مارتن گریفیس، بەرپرسی كاروباری مرۆیی لە رێكخراوە نێودەوڵەتییەكە بۆ رۆژنامەنووسان وتی، ساڵی داهاتوو گەورەترین بەرنامەی مرۆیی بەخۆیەوە دەبینێت كە تائێستا لەسەر ئاستی جیهان ئەنجامدرابێت.
ئاژانسە مرۆییەكانی سەر بە نەتەوە یەكگرتووەكان پێویستی بە 51.5 ملیار دۆلار (49.6 ملیار یۆرۆ) دەبێت لە ساڵی داهاتوودا، بۆ پارەداركردنی بەرنامەكانی هاریكاریی 230 ملیۆن كەس لە 68 وڵاتدا.
لەگەڵ ئەوەشدا نەتەوە یەكگرتووەكان هاوكاریی پێشكەشی سەرجەم ئەوانە ناكات كە پێویستیان بە هاوكارییە و ژمارەكەی بە 339 ملیۆن كەس لە جیهاندا لە ساڵی داهاتوودا دەخەمڵێندرێت.
بەرپرسە نێودەوڵەتییەكە سەرەڕای نیگەرانی لەبارەی بەرزبوونەوەی ژمارەكە روونیكردەوە، پێویستییە مرۆییەكان كە لە سەردەمی بڵاوبوونەوەی پەتای كۆرۆنادا گەیشتە ترۆپك، لەوكاتەوە كەمینەكردووە.
