رێكخراوی داعش كوژرانی ئەبو حەسەن هاشمی قوڕەیشیی سەركردەی راگەیاند.
لە تۆمارێكی دەنگیدا كە لە كەناڵی (داعش) لە تیلیگرام بڵاوكراوەتەوە، رێكخراوەكە سەرەڕای داننان بە كوژرانی قوڕەیشی، دیاریكردنی ئەبو حسێن قوڕەیشی وەك سەركردەی نوێ ئاشكراكرد.
ئەبو حەسەن هاشمی قوڕەیشی دوای كوژرانی ئەبو ئیبراهیم هاشمی ئەلقوڕەیشی سەركردەكەی ئەوكاتی داعش لە 3ی شوباتی رابردوودا وەك سەركردەی رێكخراوە پەرگیرەكە دەستنیشانكرا.
