دامەزراوەی نێودەوڵەتی بۆ دیموکراسی و هەڵبژاردن ئاشکرایکردووە، نیوەی سیستمە دیموکراسییەکان لە جیهاندا لە پاشەکشەدان، بەهۆی هەرەسهێنانی ئازادی و سەروەریی یاسا، هەروەها حکومەتە خۆسەپێنەکان لە جیهاندا زیادیانکردووە.
دامەزراوەکە کە بارەگاکەی لە ستۆکۆڵمە دەڵێت، “بابەتەکە پەیوەندیی بە مەرجدارکردن و سنووردارکردنی ئازادی و کەمبوونەوەی متمانە بە پاکیی هەڵبژاردنەکانەوە هەیە”.
دامەزراوەکە باس لەوەدەکات، ئەو ئەنجامەی پێیگەیشتوون پاشەکشەی سیستمە دیموکراسییەکانە لە جیهاندا، ئەوەش بە پشتبەستن بە کۆکردنەوەی داتاکان لە ساڵی 1975ـەوە، سەبارەت بە قەیرانەکانی مەترسیی برسێتی و کەمبوونەوەی بەرهەم لە جیهاندا، مەترسییەکانی رووبەڕووبوونەوەی ئەتۆمی و مەترسییەکانی گۆڕانکارییەکانی ئاووهەوا.
بەپێی راپۆرتەکە شیکاری کراوە بۆ حاڵەتەکانی ئازادیی تاکەکەسی، ئازادیی رادەربڕین و سەلامەتی و ئاسایشی تاکەکەس.
