بۆ سێیەم هەفتە لەسەر یەک بەهای بەرمیلێک نەوت بەردەوامە لە دابەزین، گرژییە سیاسییەکان نێوان ئەمریکا و چین هۆکاری سەرەکییە.
ئێستا، بەهای بەرمیلێک نەوتی برێنت بە 60 دۆلار 99 سەنت مامەڵەی پێوەدەکرێت، هاوکات بەرمیلێک نەوتی سووکی تەکساس بە 57 دۆلار 36 سەنت مامەڵەی پێوەدەکرێت.
بەگوێرەی پێگەی بلوومبێرگی ئەمریکی، بازرگانان و وەبەرهێنەران نادڵنیان لە پلانەکانی کۆمەڵەی ئۆپێک بۆ مانگی داهاتوو، ترسی بازرگانانیش لە پلان و ئەگەری زیادخستنەڕووی نەوتە لەلایەن کۆمەڵەکەوە، لەلایەکی دیکەشەوە گرژییە بازرگانییەکانی نێوان ئەمریکا و چین، بوونەتە هۆکارێکی سەرەکیی بۆ دابەزینی بەهای نەوت.
