زریانی مەترسیداری میلتۆن گەیشتە كەناراوەكانی فلۆریدا و دانیشتووان بە كیسی خۆڵ و داكوتینی تەختە رووبەڕووی دەبنەوە.
چەند رۆژێك پێشتر دانیشتووانی ویلایەتەكەی ئەمریكا وەك رێوشوێنێكی خۆپارێزی دەستیان بە دانانی كیسی خۆڵ و داكوتینی تەختە لە بەردەم دەرگا و پەنجەرەی ماڵەكانیان كرد. بۆ ئەوەی رێگری لە چوونە ناوەوەی ئاوی لافاو بۆ ناو ماڵ و ئۆفیسەكانیان بكەن و رێگری لە زیانەكانی بكەن.
كیسی خۆڵ بەشێوەیەكی سەرەكی بۆ رێگری لە لافاوی لەناكاو كە هاوكاتی زریان روودەدەن، بەكاردێت. بەربەستێكی ساكارە بەڵام كاریگەرە بۆ كەمبوونەوەی ئاوی لافاو و زیانەكەی، كە لە ئاكامی بەرزبوونەوەی ئاستی ئاوەوە روودەدات.
زریانی میلتۆن رووی لە ویلایەتەكە كرد پاش تەنها دوو هەفتە بەسەر زریانی هیلین-ی زیانبەخش كە فلۆریدا و ویلایەتەكانی دیكەی باشووری رۆژهەڵاتی ئەمریكای گرتەوە و زیانی گیانی و دارایی گەورەی لێكەوتەوە.
لە كەرتی لیك، پشت بە بەندكراوانی نامەترسیدار بەسترا بۆ یارمەتیدانی دانیشتووان لە ئامادەكردنی كیسی خۆڵ، بەر لەوەی زریانەكە بگاتە ویلایەتەكە.
