زانایان توانییان پەرە بە سیستمێكی زیرەكیی دەستكرد بدەن كە توانای هەیە پێشبینی پێكهاتە و تایبەتمەندیی زیاتر لە 31 ملیۆن ماددە بكات كە هێشتا بوونیان نییە.
بەپێی تیمێكی زانكۆی كالیفۆرنیا سان دیگۆ، سیستمی (M3GNet) دەتوانێت ماددەی نوێ بە تایبەتمەندییە جیاكانییەوە ئاشكرابكات.
تیمەكە ئەوەشی وت كە (M3GNet) هۆكارێكی گۆڕەرە دەتوانێت تواناكانمان بەشێوەیەكی گەورە بەرفراوان بكات بۆ دۆزینەوەی ماددەی كیمیایی و پێكهاتەی نوێ.
سیستمەكە بە بەرنامەی خوارزیمەكان چوێندراوە كە كۆمپانیای گۆگڵ پەرەیپێداوە و توانای پێشبینیكردنی پێكهاتەی پڕۆتینی هەیە و توێژەران دەڵێن، “هاوشێوەی پڕۆتینەكان، پێویستمان بە زانینی بونیادی ماددەكە هەیە بۆ پێشبینیكردنی تایبەتمەندییەكانی”.
تیمەكە لەئێستادا پلاندادەنێت بۆ فراوانكردنی ژمارەی ماددەكان لە لیستی تۆمارەكاندا بەشێوەیەكی بەرچاو، لەگەڵ بەردەوامیدان بە گەڕان لەبارەی ماددە پێشنیاركراوەكان كە دەشێت سوودبەخش بن بۆ دۆزینەوە زانستییەكان لە ئایندەدا.
