نێچيرڤان بارزانى: هه‌رێمى كوردستان به‌ فاكته‌رى ئارامى و سه‌قامگيرى ده‌مێنێته‌وه‌

نێچیرڤان بارزانی، سەرۆكی هەرێمی كوردستان

نێچيرڤان بارزانى رایدەگەیەنێت، هه‌رێمى كوردستان وه‌ك هه‌ميشه‌ بۆ عێراق و وڵاتانى دراوسێ و ناوچه‌كه‌ به‌ فاكته‌رى ئارامى و سه‌قامگيرى ده‌مێنێته‌وه‌.

سەرۆكایەتیی هەرێمی كوردستان راگەیەندراوێكی لەبارەی دوا سەردانی نێچیرڤان بارزانی، سەرۆكی هەرێم بۆ بەغداد بڵاوكردەوە و دەڵێت، لە كۆبوونەوەدا لەگەڵ سه‌رۆك وه‌زيرانی عێراقی فیدراڵ و لايه‌نه‌ سياسييه‌كان، دوايين پێشهاته‌كانى دۆخى ئه‌منى و سياسيى وڵاتيان تاوتوێكرد و جه‌ختيان له‌ هاريكارى و هه‌ماهه‌نگيى نێوان ته‌واوى لايه‌نه‌كان كرده‌وه‌ بۆ پشتگيرى له‌ حكومه‌تى فيدراڵيى نوێى عێراق و سه‌رخستنى كارنامه‌كه‌ى.

هه‌روه‌ها پێكه‌وه‌كاركردن بۆ چاره‌سه‌ركردنى كێشه‌كانی هه‌ولێر – به‌غداد له‌ ماده‌ی (140)، بودجه‌ و شایسته‌ دارایییه‌کان، دۆخی شه‌نگال و کێشه‌کانی وڵات به‌گشتی به‌ گفتوگۆ له‌سه‌ر بنه‌ماى ده‌ستوور و پاراستنى سه‌قامگيرى و سه‌روه‌ريى وڵات، وەك ئەوەی لە بەشێكی دیكەی راگەیەندراوەكەدا هاتووە.

ئاماژە بەوەشدەكات، نێچيرڤان بارزانى و محەمەد شیاه سودانى به‌ ته‌واوى هاوڕابوون و دووپاتيانكرده‌وه‌ كه‌ به‌هيچ شێوه‌يه‌ك رێگه‌ به‌ هيچ جۆره‌ هه‌ڕه‌شه‌ و كرده‌يه‌وه‌كى سه‌ربازى له‌ سنووره‌كانى عێراق و هه‌رێمى كوردستانه‌وه به‌رامبه‌ر وڵاتانى دراوسێ نادرێت، بۆ ئه‌م مه‌به‌سته‌ش وه‌ك هه‌ميشه‌ هاوكارى و يارمه‌تى پێشكه‌ش به‌ په‌نابه‌ران ده‌كه‌ن، به‌ڵام رێگه‌ به‌ بوونى گرووپى چه‌كدار له‌ هه‌رێمى كوردستان نادرێت.

دووپاتیشیانكردەوە، هه‌ولێر و به‌غداد به‌ ته‌واوى هاريكارى و هه‌ماهه‌نگى ده‌كه‌ن و ئاسايشى سنووره‌كان ده‌پارێزن، له‌گه‌ڵ وڵاتانى دراوسێش هاوكار و هه‌ماهه‌نگ ده‌بن و ڕێكارى پێويست ده‌گرنه‌ به‌ر.

نێچيرڤان بارزانى دڵنيايیدا و جه‌ختى له‌وه‌ كرده‌وه‌، هه‌رێمى كوردستان وه‌ك هه‌ميشه‌ بۆ عێراق و وڵاتانى دراوسێ و ناوچه‌كه‌ش به‌ فاكته‌رى ئارامى و سه‌قامگيرى ده‌مێنێته‌وه‌، هه‌روه‌ها خوازيارى به‌ره‌وپێشبردنى په‌يوه‌ندييه‌كانيه‌تى له‌سه‌ر بنه‌ماى رێزله‌يه‌كگرتن و دراوسێيه‌تيى باش و به‌رژه‌وه‌نديى هاوبه‌ش. هاوکات بۆ چارەسەركردنی كێشە ناوخۆیی و دەرەكییەكان لە ناوچەكە و وتی، “بە پێویستی دەزانین هەموو لایەك پشت به‌ گفتوگۆ و لێکگه‌شتن و چاره‌سه‌ری ئاشتیانه‌ ببه‌ستن، بۆ ئەوەش سەركردایەتیی هەرێمی كوردستان ئامادەیە رۆڵێكی ئه‌رێنی و بنیاتنه‌رانه‌ لەمبارەیەوە بگێڕێت”.

بابەتی پێشتر

منداڵێک بە کلکێکی شەش سانتیمییەوە لەدایکبوو

بابەتی دواتر

(ڤیدیۆ) گانا بردنەوەیەکی گرنگی بەرامبەر کۆریای باشوور تۆمارکرد

بابەتی پەیوەندیدار
زیاتر ببینە

تەرمێك لە دهۆك دۆزرایەوە

تەرمی كەسێك لە گوندێكی سەر بە پارێزگای دهۆك دۆزرایەوە و پۆلیسی شارەكەش دەڵێت، كێشەی پێشتری هەبووە. پەیامنێرمان لە…
Total
0
Share