ئه‌مشه‌و یه‌کشه‌ممه، گه‌ڕی دووه‌می قۆناغی کۆمه‌ڵه‌کانی جامی جیهانی 2022 له قه‌ته‌ر به‌رده‌وامی هه‌بوو، هه‌ڵبژارده‌ی کرواتیا له یارییه‌کی به‌هێزدا بردنه‌وه‌ی به‌رامبه‌ر که‌نه‌دا تۆمارکرد.
هه‌ڵبژارده‌ی کرواتیا له یاریگای (استاد الخلیفه الدولی) دووه‌م یاریی قۆناغی کۆمه‌ڵه‌کانی مۆندیالی 2022ی به‌رامبه‌ر هه‌ڵبژارده‌ی که‌نه‌دا ئه‌نجامدا، یارییه‌که به ئه‌نجامی چوار گۆڵ به‌رامبه‌ر به گۆڵێک له به‌رژه‌وه‌ندیی کرواتیا کۆتاییهات.
گۆڵه‌کانی کرواتیا له خوله‌که‌کانی 36، 44، 70، 90 له‌لایه‌ن ئه‌ندرێ کراماریچ (دوو گۆڵ)، مارکۆ لیڤایا، لۆڤرۆ ماجه‌ره‌وه تۆمارکران، گۆڵه‌که‌ی که‌نه‌دا له خوله‌کی دوو له‌لایه‌ن ئه‌لفۆنسۆ ده‌یڤیزه‌وه تۆمارکرا.
به‌پێی ئه‌نجامه تۆمارکراوه‌که، هه‌ڵبژارده‌ی کرواتیا به کۆکردنه‌وه‌ی چوار خاڵ و به جیاوازی گۆڵ به‌رامبه‌ر به مه‌غریب بۆ پله‌ی یه‌که‌می گرووپی شه‌شه‌م سه‌رکه‌وت، له هه‌مان کۆمه‌ڵه‌دا مه‌غریب به چوار خاڵ له پله‌ی دووه‌مدایه و به‌لجیکا ته‌نها سێ خاڵی هه‌یه، که‌نه‌دا-ش به‌بێ هیچ خاڵێک ته‌واوی چانه‌سه‌کانی بۆ گه‌یشتن به قۆناغی (16) له‌ده‌ستدا.
