چاودێرێکی ئابوری باس لەوەدەکات کە بەهەدەردانی سامانی عێراق لە ساڵێکدا زیاترە لە 300 ملیار دینار، ئەوەش بەهۆی رۆتیناتەکانی فەرمانگەکانەوەیە، دەستێوەردانی حکومەتیش بۆ چاکسازییکردن لەو رۆتیناتانە بە پێویست ناودەبات.
عەبدوسەلام حەسەن توێژەری ئابوری دەڵێت، “زیاتر لە 300 ملیار دینار سامانی وڵات ساڵانە بەهەدەردەدرێت لەلایەن ئەمانەی گشتیی بەغدادەوە، ئەوەش لەڕێگەی ئەو رۆتیناتانەی کە لە فەرمانگەکاندا بەرامبەر هاوڵاتییان دەگیرێتەبەر.
ئاماژەی بەوەشکردووە، ئەو بەهەدەردانە لە فەرمانگەی تۆماری خانووبەرەی سەربە وەزارەتی داد و فەرمانگەی باج سەربە وەزارەتی دارایی زۆرترینیان دەکرێت، داواش لەو دوو وەزارەتە دەکات ڕێکاری پێویست بۆ کەمکردنەوەی ئەو بەهەدەردانە بگرنەبەر.
باسی لەوەکردووە، کە بەهەدەردانی دیکە زۆرن کە ئاشکرا نین ڕایگەیاند، “داوا لە سودانی دەکەم دەستێوەردان بکات بۆ ڕێککردنەوەی ئەو یاسایانەی کە لە فەرمانگەکانی وڵاتدا جێبەجێدەکرێت”.
