راگەیاندنی پارێزگای هەولێر راگەیەندراوێکی لەبارەی دەوامی سبەینێی خوێندكاران و پشووەوە بڵاوكردەوە.
لە راگەیەندراوێکدا كە ئەمشەو بڵاویكردەوە، راگەیاندنی پارێزگای هەولێر ئاشكرایكرد، سبەینێ شەممە لە سەرجەم ناوەندەکانی خوێندنی حکومی و ناحکومی لە پارێزگای هەولێر پشوو دەبێت.
جگە لە خوێندنگەكان، سبەینێ لە پەیمانگەکانی پێنج ساڵیی سنووری بەڕێوەبەرایەتیی گشتیی پەروەردەی هەولێر دەكرێت بە پشوو، وەك راگەیەندراوەكە ئاماژەی بۆ كردووە و دەڵێت، ئاماژە بە نووسراوی وەزارەتی پەروەردە ژمارە (247) لە 7ی 6ی 2022 و هۆشدارییەکانی وەزارەتی گواستنەوە و گەیاندن، بەڕێوەبەرایەتیی گشتیی کەشناسی و بومەلەرزەزانیی هەرێم، پارێزگاری هەولێر بڕیاریداوە دەوامی سبەینێ لە ناوەندەكانی خوێندن لە هەولێر بكرێت بە پشوو.
