قائیمقامی کەرکوک ڕایدەگەیەنێت، سوپاسی بڕیارە بوێرانەکەی سەرۆک بافڵ دەکەین کە بە ڕاستی و بە کردار، تەبایی و برایەتی نێوان نەتەوەکانی کەرکوکی پاراست، ئەمەش وایکرد سەرجەم نەتەوەکانی شارەکە هەست بە دڵنیایی بکەن لە شارەکەدا.
ئاڤێستا شێخ محەمەد، قائیمقامی کەرکوک لە دیدارێکی تەلەڤزیۆنیدا ڕایگەیاند، سوپاسی بڕیارە بوێرانەکەی سەرۆک بافڵ دەکەین کە بە ڕاستی و بە کردار، تەبایی و برایەتی نێوان نەتەوەکانی کەرکوکی پاراست، ئەمەش وایکرد سەرجەم نەتەوەکانی شارەکە هەست بە دڵنیایی بکەن لە شارەکەدا، ئەمەش هەنگاوێکی گرنگ دەبێت کە لە داهاتوودا لەسەر ئەو بنەمایە هەموو نەتەوەیەک لە کەرکوک، مافی خۆی بەدەستبهێنێت.
باسی لەوەشکرد، ئەمەش ڕەنگدانەوەی سیاسەتی سەرۆک مام جەلالە، کە هەمیشە باسی لە تەبایی نێوان نەتەوەکان دەکرد و جەختی لە پەیڕەوکردنی سیاسەتی چەپکە گوڵەکە دەکردەوە، هەر ئەمەش وایکردووە نەتەوە جیاوازەکانی کەرکوک بە جۆرێکی دیکە بیربکەنەوە و هەست بە ئاسایش و ئارامی بکەن لە شارەکەدا.
