ئۆتۆمبێلێک بە سەرنشینەکانییەوە ئاوبردی، دواتر چەند گەنجێك سەرنشینەكانیان رزگاركرد.
ئێوارەی ئەمڕۆ هەینی ئۆتۆمبێلێک لە گوندی “قوشەلان”ـی ناوچەی داودەی سنووری قەزای خورماتوو ئاوبردی، بەڵام گەنجانی دانیشتووی گوندی “لەک” ئۆتۆمبێلەکەیان دەرهێنا و سەرنشینەکانی له خنكان رزگارکران.
بەهۆی بارانبارینی بەخوڕەوە، چەندین كانیی وشكبووی ناوچەی گەرمیان بووژاونەتەوە و هەردوو چەمی “ئاوەسپی” و “بەلەگە” لە سنووری داودە كە بەهۆی وشكەساڵی و كەمبوونەوەی ئاوەوە وشكیانكردبوو، ئەمڕۆ ئاوێكی زۆریان تێچووە و لافاو لە ناوچەكەدا دروستبووە.
