هەردوو تونێلی میراوە و ماوەران لە پارێزگای هەولێر بوونەتە هۆکاری گرفتی هاتوچۆ بەهۆی کێشە لە رێگا و خزمەتگوزارییەکانیان.
تونێلەکانی (میراوە و ماوەران) لە سنووری شارۆچکەی شەقڵاوە گرفتیان بۆ هاوڵاتییان دروستکردووە، یەکێک لە تونێلەکان هیچ خزمەتگوزارییەکی نییە و دووەمیشیان بەر لە کرانەوەی رێگاکەی داڕووخاوە و بووەتە مەترسی.
تونێلی میراوە ماوەی 10 ساڵە کراوەتەوە لەگەڵ ئەوەشدا، رووناكی، هەواكێش، هێڵكاری، هێمای هاتوچۆ و زێرابی ئاوی بۆ دانەنراوە.
تونێلی ماوەرانیش تا ئێستا تەواو نەکراوە، رێگاکەشی بە تەواوی دارووخاوە و هاتوچۆی پێداناکرێت.
ئەوەش لەكاتێكدایە زۆرجار حکومەتی راسپاردە، بەبەردەوامی باس لە سەركەوتوویی پرۆژەکانی رێگاوبان دەکات لە سنووری پارێزگای هەولێر.
