لە باشووری قەزای رانیە تەرمی ژنێك بە سووتاوی دۆزرایەوە، پۆلیسی راپەرین دەڵێت، لێكۆڵینەوەیان بەمەبەستی زانینی ناسنامەی دەستپێكردووە.
شۆڕش ئیسماعیل، وتەبێژی پۆلیسی راپەرین بە تۆڕی میدیایی ئێستای راگەیاند، ئێوارەی ئەمڕۆ لە دەشتاییەكانی خوار قەزای رانیە و نزیك لە بەنداوی دوكان تەرمێك لە رەگەزی مێ تەمەن نزیكەی 45 ساڵ دۆزرایەوە.
وتیشی، “قوربانییەكە سووتێندراوە و خراوەتەژێر گڵ”.
دوای دەرهێنانەوەی تەرمەكە لەلایەن هێزەكانی پۆلیسەوە، رەوانەی پزیشكی دادوەریی سلێمانی كراوە بەمەبەستی توێكاری و ئەنجامدانی لێكۆڵینەوە، وەك ئەوەی شۆڕش ئیسماعیل ئاماژەی پێدا.
ئەوەشی وت، “تەرمەكە نەناسرایەوە و ناناسرێتەوە” دۆسیەی لێكۆڵینەوەی بۆ كراوەتەوە بەمەبەستی زانینی وردەكاریی تاوانەكە.
