برایەکەی شێروان شێروانی ڕایدەگەیەنیت، هیچ بەرەوپێشچوونێک لە دۆسیەکەی شێروان شێروانی نییە و لایەنە پەیوەندیدارەکان وەڵامی نامەمان نادەنەوە.
بارزان شێروانی، برای ڕۆژنامەنووسی زیندانیکراو، شێروان شێروانی ئاشکرایکرد، هیچ بەرەوپێشچوونێک لە دۆسیەی شێرواندا نییە، پێش جەژنی قوربانی لە ڕێگەی پارێزەرەکەمانەوە نامەمان بۆ لایەنە پەیوەندیدارەکان ناردووە تاوەکو هەوڵی جددی بۆ ئازادکردنی بدرێت، بەڵام تا ئێستا هیچ وەڵامێکمان وەرنەگرتووە و دۆخەکە وەک خۆیەتی.
ئاماژەی بەوەشکرد، پاش ئەوەی شێروان بۆ ماوەیەکی زۆر مانگی لە خواردن گرتبوو، دۆخی تەندروستی تێکچوو، بەڵام پاش جەژنی قوربان مانگرتنەکەی شکاند و ئێستا تەندروستی باشترە.
