سێرج گنابری، ئەستێرەی هەڵبژاردەی ئەڵمانیا پێیوایە ئەرکیان لە مۆندیالی قەتەر ئاسان نییە، بەڵینیش بە هاندەران دەدات قەرەبووی شکستی مۆندیالی ڕووسیا بکەنەوە.
ئەستێرەکەی بایرن میونشن دەڵێت، “دەمانەوێت تۆڵە لە ئیسپانیا بکەینەوە و لێیان ببەینەوە، یاریی ئێمە و ئەوان لە کۆمەڵەکەماندا یەکلاکەرەوە دەبێت و لووتکەی گرووپەکە دەردەخات.”
هەروەها دەڵێت، “دۆخەکە لە قۆناغە یەکلاکەرەوەکاندا زۆر قورس دەبێت، لەبەرئەوەی هەڵبژاردەکانی ئەمریکای لاتین بەتایبەت لەم مۆندیالەدا زۆر بەهێزن، لە نموونەی بەڕازیل و ئەرجەنتین.”
هەڵبژاردەی ئەڵمانیا لە کۆمەڵەی پێنجەمدا کێبڕکێی هەڵبژاردەکانی ئیسپانیا، کۆستاریکا و ژاپۆن دەکات.
