بەڕێوەبەرایەتیی پۆلیسی هەولێر ڕایگەیاند، 100 سواڵکەر “دەرۆزەکەر”یان دەستگیرکردووە، کە خەڵکیامن بێزار کردبوو.
بەپێی ڕاگەیەندراوی بەشی پۆلیسی ڕێککاریی سەر بە بەڕێوەبەرایەتیی پۆلیسی پارێزگای هەولێر، هەڵمەتێکیان لە چێشتخانە و ترافیکلایت و شوێنە گشتییەکان دەستپێکردووە و هەڵمەتەکە ماوەی یەک هەفتەی خایاندووە.
ئاماژە بەوەکراوە، لەو هەڵمەتەدا 100 دەرۆزەکەریان دەستگیرکردووە کە داوای هاوکارییان لە خەڵک دەکرد و خەڵکیان بێزارکردووە.
سەرجەمیشیان بە بڕیاری دادوەری لێکۆڵینەوە و بەپێی ماددەی 390 لە یاسای سزادانی عێراقی ڕاگیراون.
