حكومەتی هەرێم بە نووسراوێكی رەسمی رەزامەندی لەسەر كاركردنی پزیشكانی ددان و دەرمانسازداوە تاوەكو بەشێوەی خۆبەخش بۆ ماوەیەی سێ ساڵ لە دامودەزگاكانی حكومەتی هەرێم كاربكەن.
بەپێی نووسراوێكی حكومەتی هەرێم بە ژمارە (13148) كە واژووی ئومێد سەباح سەرۆكی دیوانی ئەنجومەنی وەزیرانیان لەسەرە و ئاراستەی وەزارەتی تەندروستی كردووە و تێیدا هاتووە، “كێشە و گرفتی دەرچووانی كۆلیژەكانی پزیشكی و دەرمانسازی لە زانكۆكانی هەرێم و دەرەوەی هەرێم بە مەرجێك دەرچوونیان باوەڕپێكراو بێت و لە دوای ساڵی 2015شەوە دانەمەزرابن رەزامەندنی كاركردنیان وەك خۆبەخش بۆ دراوە”.
ئاماژە بۆ ئەوەش كراوە، رەزامەندی لەسەر كاركردنی پزیشكانی ددان و دەرمانساز بەشێوەی خۆبەخش بۆ ماوەیەی سێ ساڵ لە دامودەزگاكانی حكومەتی هەرێم دراوە وەك مەشقكار كە ببێتە مایەی پلەبەندیان بۆ گۆڕینی ناونیشانیان”.
