بەرەبەیانی ئەمڕۆ بومەلەرزەیەکەی بەهێز دوورگەی کریتی لە یۆنان هەژاند کە دانیشتوانی هەریەکە لە قاهیرە و ئەسکەندەرییەی میسر هەستیان پێیکرد.
میدیا یۆنانییەکان بڵاویانکردووەتەوە، “بەرەبەیانی ئەمڕۆ بومەلەرزەیەک بە گوڕی شەش پلە بە پێوەری رێختەر رۆژهەڵاتی دوورگەی کریتی لە قوڵاتیی 80 کیلۆمەترەوە گرتەوە”.
لای خۆیەوە رۆژنامەی وەتەنی میسری ئاشکرای کرد، ” دانیشتوانی قاهیرە و ئەسکەندەرییە و پارێزگاکانی باکووری میسر هەستیان بە بومەلەرزەکە کردووە”.
تا ئێستا بەرپرسانی یۆنان هیچ زانیارییەکیان لە بارەی زەرەر و زیانەکانی بومەلەرزەکەوە ئاشکرانەکردووە”.
