مانگانە 20 خێزانی مەسیحی عێراق بەجێدەهێڵن و لویس ساكۆ دەڵێت، “پێشێلكاریی بەرامبەر بە مەسیحییەكان دەكرێت و پەراوێزدەخرێن”.
لویس روفائیل ساكۆ پەتریاركی كلدانی كاسۆلیك لە عێراق و جیهان ئاشكرایكرد، “زیاتر لە نیوەی مەسیحییەكان عێراقیان بەجێهێشتووە و ئەوانەشی كە ماونەتەوە لەسەر رۆیشتنن، هۆكارەكەشی ناسەقامگیری و نایەكسانیی چانسەكان و نادادپەروەرییە”.
پەتریاركی كلدانی كاسۆلیك راشیگەیاند، “مەسیحییەكان لە عێراق رووبەڕووی ستەمكاری و جیاكاری دەكرێنەوە، بەشێكیان لە لایەن گرووپە توندڕەوەكانەوە ناچاركراون ئایینی خۆیان بگۆڕن، تەنەنات لەسەر ئاستی دەوڵەت نادادییان بەرامبەر دەكرێت و بەهۆی بەرتیل و جیاكارییەوە، لە پۆست و پلە وەزیفییەكاندا جیاوازییان لەگەڵدا دەكرێت”.
